Dillər

ABŞ-dan qəti qərar: F-35-lər sabah Türkiyəyə verilir

 f35-1.jpg

“Lokid Martin” şirkəti Türkiyəyə F-35 qırıcılarını elan olunan (sabah) tarixdə təslim edəcək.

Tolpress.az xəbər verir ki, bu barədə Pentaqondan açıqlama yayılıb.

“Lokid Martin” şirkəti 21 iyun tarixində “Fort Vorth”də Türkiyə üçün bir açılış mərasimi təşkil edəcək və təyyarələr ilkin mərhələdə Arizonadakı “Lyuk” Hərbi Hava Qüvvələri bazasına yönləndiriləcək. Türk F-35 pilotları və texniki baxış xidməti əməkdaşları artıq hərbi bazaya çatıb və bu yaxınlarda uçuş təlimlərinə başlayacaqlar”, - Pentaqon sözçüsü Mayk Endryus bildirib.

Qeyd edək ki, ABŞ Konqresi Milli Müdafiə haqqında qanun layihəsinə əlavə etdiyi maddələri Dövlət Departamentinin müzakirəsinə verib. Bu əlavələrə görə, Türkiyəyə silah satışı qadağan olunmalıdır.

Dövlət Departamentinin baxışından sonra layihə Konqresə qayıtmalı, daha sonra isə Prezident Tramp təsdiqləməlidir.